Градоначалникот на Струмица и член на Извршниот одбор на СДСМ, Костадин Костадинов истакна дека актуелниот претседател Стево Пендаровски низ своето дејствување покажал дека е претседател кој обединува и затоа успева да придобие гласови од сите заедници.
„Стево Пендаровски во неговиот мандатот покажа дека има капацитет да придобие гласови од албанскиот електорат и од страна на македонскиот електорат и од страна на сите други заедници коишто функционираат во државата. Затоа, не гледам причина зошто Стево Пендаровски не ја добие потребната поддршка од коалиционите партнери и генерално од целото мнозинство“ изјави Костадинов на емисијата „24 Анализа“ на Телевизија 24.
Костадинов изрази уверување дека на претстојните претседателски избори ќе се повтори резултатот од изборите во 2019 година, односно дека Пендаровски повторно ќе биде победник.
„Јас очекувам дека ќе се повтори сценариото од претходните претседателски избори каде нормално победа ќе издвои кандидатот на СДСМ“, оцени Костадинов.
