Иако пешкирите немаат јасно дефиниран рок на траење, експертите предупредуваат дека со текот на времето ја губат апсорпцијата и стануваат погодна средина за бактерии, особено ако остануваат влажни подолго време. Општата препорака е бањарки да се менуваат на секои две до три години, додека поквалитетните материјали можат да траат и до пет години со правилна нега. Пешкирите за раце, кои се користат и перат почесто, најчесто треба да се заменат по една до две години.
Знаци дека пешкирот е дотраен се слабата апсорпција, непријатниот мирис и грубата текстура, дури и по перење. Стручњаците нагласуваат дека редовното сушење и добра вентилација на бањата се клучни за одржување на хигиената. Старите пешкири не мора веднаш да се фрлат тие можат практично да се искористат за чистење во домаќинството. Навремената замена, пак, значи подобра хигиена и попријатно секојдневно користење.
