Одделот за криминалистичка полиција – Сектор за недозволена трговија со дрога, оружје и опасни материи – Единица за недозволена трговија со дрога во координација со СВР Велес – Одделение за недозволена трговија со дрога и оружје денеска го лишија од слобода Ј.А.(30) од Кавадарци.
Имено, по претходно преземени мерки и активности и врз основа на судска наредба, бил извршен претрес во домот во Кавадарци во кој тој престојувал, при што биле пронајдени една ќеса и повеќе пакувања со марихуана, пакување со кокаин, пакување со амфетамин, дигитална вага со траги од дрога и поголем износ на пари во различни валути.
Полицијата соопшти дека Ј.А. е приведен во ОВР Кавадарци и по комплетно документирање на случајот до Основното јавно обвинителство ќе биде поднесена соодветна кривична пријава.
