Џорџ Клуни и Џулија Робертс глумат во новата романтична комедија „Билет за рајот“ и кога требало да се сними филмски бакнеж, таа сцена изгледа им направила проблеми.
Во интервју за „Њујорк тајмс“ објавено во понеделникот, Клуни (61) и Робертс (54) се пошегуваа дека еден бакнеж меѓу ликовите што ги глумат – разведени родители кои повторно се здружуваат во обид да ја спречат нивната ќерка да се омажи – траел шест месеци.
Имено, сцената во која се бакнуваат морала да се повтори дури 80 пати.
„Беа потребни 79 кадри додека се смееме, а потоа еден како се бакнуваме“, откри Џулија во разговорот со „Њујорк тајмс“.
А Џорџ додаде: „Да, ѝ кажав на мојата сопруга Амал дека беа потребни 80 обиди. Таа рече: Како е можно тоа?“
Додека го промовираа филмот заедно, тие низ шега открија дека им биле потребни шест месеци да ја усовршат сцената на бакнување.
Ова не е првпат да мораат да се бакнуваат на филм. Џорџ ја бакна Џулија во филмот „Единаесеттемина на Оушн“ од 2001 година.
