Британското Министерство за надворешни работи го повика на разговор кинескиот амбасадор во Лондон поради нападот на кинеската полиција врз дописникот на Би-би-си.
Британски новинар извести од протестот во Шангај, објави денеска лондонскиот весник „Ивнинг стандард“, но за оваа информација засега нема потврда од британското Министерство.
Во последните денови демонстрантите протестираа во неколку градови во Кина против строгите мерки против Ковид-19 демонстрирајќи граѓанска непослушност без преседан откако претседателот Шји Џјинпинг ја презеде власта.
Би-би-си претходно објави дека нивниот дописник Ед Лоренс бил претепан и приведен со лисици додека ги покривал протестите во Шангај.
„Тој беше задржан неколку часа пред да биде ослободен. За време на неговото апсење, полицијата го тепаше и го клоцаше иако беше на должност како акредитиран новинар“, се вели во извештајот на Би-би-си.
Кинеското Министерство за надворешни работи ги оспори овие наводи и соопшти дека новинарот не се идентификувал како известувач.
