Заменик-амбасадорот на Кина во Обединетите нации Даи Бинг денеска на Генералното собрание по повод годишнината од украинската војна изјави дека „бруталните факти даваат доказ дека испраќањето оружје нема да донесе мир“.
Главен приоритет на Пекинг е да постигне прекин на огнот без одлагање, додаде Даи, велејќи дека Кина ќе продолжи да игра конструктивна улога во решавањето на кризата во Украина, објави „Гардијан“.
Шпанскиот премиер Педро Санчез потврди дека неговата земја ќе испрати шест тенкови „Леопард“ во Украина и дека, доколку е потребно, ќе го зголеми бројот на 10.
Тој изјави дека Шпанија им понудила на украинските војници да поминат обука за „леопарди“.
Американски Официјален претставник рече дека би можело да потрае и до две години за да се испорачаат американските тенкови М1 Абрамс во Украина.
Во јануари, САД објавија дека во следните неколку месеци ќе испратат на Украина 31 тенк М1 Абрамс во вредност од 400 милиони долари.
Но, плановите за испорака сè уште не се прецизирани, ниту пак е одреден тајмингот, изјави секретарката на американската армија Кристин Вармут за Си-Ен-Ен.
Австралија ќе испрати беспилотни летала во Киев и ќе ги прошири санкциите против Русија, објави Киев Индипендент.
Вредноста на беспилотните летала ќе биде 33 милиони долари, а новите санкции ќе се однесуваат на руската армија, владини и медиумски личности,пренесе Танјуг.
