Јувентус би можел да се раздели со еден од своите клучни играчи ова лето. Федерико Киеза е подготвен да слушне понуди од други клубови, тврди „Кориере дело спорт“.
Италијанскиот репрезентативец не се чувствува во „центарот на проектот“ на стадионот „Алијанц“ во Торино и тоа е една од причините поради која размислува за заминување.
Ливерпул и Њукасл се заинтересирани за играчот и внимателно ја следат ситуацијата.
Баерн Минхен исто така е заинтересиран за Киеза и дури веќе испратил барање до „бјанконерите“.
Според италијанските медиуми, Јувентус е подготвен да слушне понуди вредни околу 40 милиони евра за репрезентативецот на Италија.
