Кевин Костнер бил прилично изненаден кога неговата отуѓена сопруга Кристин заминала на одмор со негов пријател среде бракоразводна постапка, дознава „Радар онлајн“.
Откако се избори за привремена алиментација од 130.000 долари месечно, Кристин Баумгартнер, наскоро поранешна сопруга на холивудскиот актер, отиде на Хаваи со семејниот пријател финансиер Џош Конор.
Според извори запознаени со ситуацијата, ѕвездата на „Јелоустоун“ бил вчудоневиден кога дознал што прави Кристин со еден од неговите најблиски пријатели.
Дизајнерката на чанти, наводно, успеала да го разбесни Кевин со тоа што отишла на одмор во луксузно одморалиште на хавајските острови. „Мачно му е од сето ова. Не знае што да мисли или кому да верува,“ открива друг извор за „Ин-тач викли“.
Дизајнерката и актерот неодамна објавија дека се разведуваат по 18 години брак. Имаат три деца: Кејден (16), Хејс (14) и Грејс (13). Кристин го поднсе барањето, а како причина ги наведе „непомирливите разлики“.
Разделбата веднаш стана комплицирана. Кевин (68) ја обвини Кристин (49) дека ги прекршила условите од нивниот предбрачен договор со тоа што одбива да се исели од неговата куќа во Санта Барбара, вредна 145 милиони долари.
Неколку дена откако судијата нареди Кевин да ѝ плаќа на Кристин 130.000 долари месечна алиментација (1,56 милиони долари годишно) за нивните деца, таа беше фотографирана како го впива сонцето во друштво на Џош.
„Мислам дека тој никогаш не бил толку засрамен,“ рече друг извор, кој открива како се чувствувал Кевин откако ги видел фотографиите на Кристин со Џош.
„Таа му покажува на Кевин дека може да отиде на Хаваи со неговиот главен човек и да се забавува најдобро што може. Таа инсистира дека не бара романса со Џош, но на Кевин му испрати силна порака дека има многу поголема поддршка од нивната група пријатели отколку што тој мисли,“ вели изворот.
Се чини дека потегот е еден вид одмазда за победата што ја извојува Кевин во врска со нивниот предбрачен договор. Имено, судијата нареди таа да ја напушти куќата најдоцна до 31 јули. Камионите за селидба првпат биле забележани четири дена пред истекот на рокот.
