Првообвинетиот Љупчо Палевски го праша Влатко Кешишев, кој на денешното рочиште за убиствата на Вања Ѓорчевска и Панче Жежовски одговара на прашања од одбраната, дали некогаш го слушнал дека се заканува на некого, вклучително и на Велибор Манев.
Никогаш не сум го слушнал на некого да му се заканува. Секогаш му даваше совет, одговори Кешишев гледајќи кон судијата а не кон Палевски.
За ранецот
Зошто дури сега се сетивте на оваа околност?, праша Палевски.
Се сетив бидејќи на видеа снимката сите го видовме ранецот и оти е тегет боја. Во ОЈО не споменав бидејќи бев во друга состојба, одговори Кешишев.
Кој го изнел ранецот од штабот
Не ми е познато тврдењето на Манев за тоа дека Палевски дал наредба ранецот да се изнесе од штабот, рече Кешишев.
