Познатиот моден дизајнер Келвин Клајн го покажа своето 46 години помладо момче Кевин. Клајн има 81 година и повеќе не крие дека е во врска со 35-годишниот модел Кевин Бејкер. Двојката е видена во Лос Анџелес како напушта теретана, а биле облечени речиси идентично, пишува Дејли Мејл. Пред тоа биле снимени во кафуле, од каде по два часа се оддалечиле во луксузното возило на Клајн.
Клајн зад себе има два долги брака со две сопруги и две деца.
Пред врската со Кевин, тој цели две години беше во врска со порно ѕвездата Ник Грубер, 48 години помлад од него. Грубер подоцна изјавил дека Келвин бил крајно љубоморен, па дури и го натерал да направи полиграф.
Пред врската со момчињата, Клајн беше во брак дваесет години до 2006 година со асистентот и фотограф Кели Ректор, поранешен асистент во неговата компанија.
Пред тоа, исто така, од 1964 до 1974 година, десет години беше во брак со дизајнерката Џејн Сентнер, со која има две деца: ќерката Марси, исто така модна дизајнерка, и синот Николас, кој е продуцент и режисер.
Клајн никогаш јавно не признал дека е геј, но рекол дека бил во романтични врски и со мажи и со жени.
Кога во јавноста се појавија папарацо фотографиите, сите го обвинија дизајнерот за големата разлика во годините и остро искоментираа:
„Изгледаат како дедо и внук“, пишуваше на мрежите.
Калвин и Кевин, кој има и брат близнак Џоел, исто така модел, никогаш јавно не проговориле за нивната врска, иако низ годините биле забележани заедно на вечери и разни настани. Се верува дека тие се заедно од 2016 година.
Келвин Клајн е роден во 1942 година во Бронкс, Њујорк. Тој е познат пред се по колекциите на женска и машка долна облека, фармерки, козметика и парфеми, но и по други корисни предмети, како постелнина со неговиот потпис.
Клајн студирал на Модниот институт за технологија во Њујорк, а по дипломирањето во 1962 година, почнал да работи како чирак кај изработувач на палта.
Во 1968 година, кога отвори своја компанија, модната индустрија во Њујорк беше во мрачна фаза, со лежерна облека во хипи стил и мини здолништа што го одразуваа скромниот опсег на модата во тоа време.
Клајн е првиот дизајнер кој освоил три последователни награди за женска облека Коти (1973–75) и бил најмладиот дизајнер за готови облеки некогаш избран во Куќата на славните Коти (1975).
Можеби повеќе од неговата облека, Клајн стана познат по своите реклами, од кои некои се граничеа со скандали. Во една серија реклами беше прикажана актерката Брук Шилдс, тогаш тинејџерка, облечена во класични сини фармерки, со коментар: „Знаеш што е помеѓу мене и мојот Келвин? Ништо!”
Клајн ја продаде својата компанија во 2003 година и се пензионираше следната година. Оттогаш, тој ретко се појавува во јавноста, но во 2017 година објави автобиографија со едноставно наслов „Келвин Клајн“, во која ги сумираше најинтересните детали од неговата кариера, заедно со бројни фотографии и анегдоти.
Келвин Клајн вреди околу 700 милиони долари и поседува дом од 25 милиони долари во Лос Анџелес.
Неговите активни рекламни кампањи за облека и долна облека сега ги прават ѕвезди како Џастин Бибер, Кендал Џенер и Бела Хадид.
