На територија на град Скопје вчера биле изречени вкупно 209 казни, меѓу кои за возење без возачка дозвола 16 санкции, 23 мерки за прекршоци што ги направиле пешаците, осум казни за возење под дејство на алкохол.
Изречени биле 10 казни за користење мобилен телефон при возење, осум санкции за прекршоци што ги прават возачите на мотоцикли, седум мерки за минување на затворен сигнал (црвено светло), четири санкции за возач почетник, седум мерки за вградени неатестирани фолии (затемнети стакла).
МВР најави дека засилените акциски контроли продолжуваат и во наредните денови и апелира до граѓаните да ги почитуваме сообраќајните правила за посигурни патишта.
