Катарскиот милијардер шеикот Џасим Бин Хамад Ал-Тани останува сигурен дека ќе има договор за да го преземе Манчестер јунајтед и покрај вестите дека американското семејство Глејзер сака да остане сопственик на клубот и да донесе инвеститори во клубот.
Процесот на привлекување на инвеститори кај Јунајтед влезе во трета фаза, и газдите очекуваат нови понуди до крајниот рок на 29 април. Ова доаѓа по втората фаза во која шеикот, но и британскиот милијардер Сер Џим Ретклиф го посетија клубот и дадоа понуди за целосно преземање на клубот, додека повеќе заинтересирани имаше за откуп на дел од акциите.
По вестите во англиските медиуми дека двајца од шесте браќа Глејзер сакаат да останат газди на „Олд Трафорд“, акциите на клубот паднаа за 13 отсто, но ова не е го загрижува шеикот кој е сигурен дека неговата понуда е најдобра, јавува „Гардијан“. Се верува дека тој нуди 4.5 милијарди фунти, со ветување дека ќе се помири долгот од 600 милиони фунти и ќе се инвестира на „Олд Трафорд“, во тренинг-центарот во Керингтон, како и голем буџет за засилувања.
Sheikh Jassim bin Hamad al-Thani remains confident he will succeed with his bid to buy Manchester United after it emerged that the Carlyle Group, a US investment firm, wants a minority stake.
By @JamieJackson___ https://t.co/GuBXDbfpMg
— Guardian sport (@guardian_sport) April 18, 2023
