Многу луѓе може да ветат дека ќе ги донираат своите органи на науката по својата смрт со надеж дека ќе го унапредат збирот на човековото знаење.
Но, многу живата Кара Делевињ на науката ѝ донираше нешто многу понеобично: својот оргазам.
30-годишната манекенка и супермодел, која се идентификува како пансексуалка, се согласи на истражувачите да им даде примерок од својата крв пред и по започнувањето на соло сексуален чин за да можат да го проучат неговиот ефект врз хемијата на телото како дел од истражувањето за оргазмичен јаз меѓу половите или gender climax gap. Овој термин се користи за да се опише зошто мажите имаат поголема веројатност да доживеат оргазам за време на интимност отколку жените.
Во посета на болница во Германија, таа им кажува на гледачите на нејзината документарна серија Planet Sex with Cara Delevingne: „Тука сум да доживеам оргазам и да го донирам за науката.“
„Мислам дека женската сексуална желба е дефинитивно потисната. Од мојот сопствен љубовен живот знам колку жените можат да бидат сексуални, па мислите дека во 21 век мажите и жените треба да имаат подеднакво задоволувачки сексуален живот, нели?“
„Па, подгответе се за шок. Кога станува збор за оргазмот, постои дефинитивен јаз меѓу половите. Научниците велат дека 95 отсто од хетеросексуалните мажи доживуваат оргазам во текот на сексуален однос, но само 65 отсто од хетеросексуалните жени.“
