Најдобриот македонски тенисер Калин Ивановски забележа голем напредок на најновото издание на АТП- листата. Тој викендов го освои трофејот на ИТФ-турнирот во Хераклион, со што заработи нови 15 поени.
Сега се наоѓа на 633. позиција на рангирањето со 42 поени, што е дури за 117 места подобро од минатонеделниот пласман.
Промени имаше и меѓу водечките, каде што по освоените титули напредуваа Данил Медведев кој е сега трет, и Феликс Оже-Алијасим на осмото место. Меѓу најдобрите десет се пласира и Хуркач, а на врвот и натаму се Карлос Алкараз и Рафаел Надал.
