Продолжија дебатите на маратонската собраниска седница за разрешување на министри и за избори на нови министри во владиниот кабинет.
Коментирајќи ја денешната одлука која беше соопштена од Судот во Стразбур, пратеничката Снежана Калеска Ванчева, рече дела со одлуката на Судот во Стразбур, денеска победи правото и правдата.
„Вас очигледно ве боли тоа што беше неуспешен обидот на фикусот од претседател да направи аболиција за криминалците од ВМРО-ДПМНЕ и криминалот под невидени размери“ – рече Калеска Ванчева.
Таа потсети дека ВМРО-ДПМНЕ е партијата која великанот Блаже Конески го нарекуваше „џуџето од Небрегово“ и дека оваа партија постојано внесува раздор во општеството го има заборавено АСНОМ, а корените ги бараше во антиката.
„Вие треба да се засрамите, вие говоревте за раздор и повторно зборувате за раздор и ја загрозувате унитарноста на државата со говор на омраза. Ние сме за национално единство, ние сакаме нашата држава да биде дел од големото европско семејство и тоа ќе го направиме“ – рече Калеска Ванчева.
