Армијата на Израел дојде до околу 25 километри југозападно од Дамаск при нејзиниот упад во Сирија, соопштија сириски безбедносни извори, откако Израел ја зазеде тампон зоната на југот на земјата и изврши воздушни напади врз сириската армија и воздушните бази во текот на ноќта.
⚡️JUST IN: Intense Israeli airstrikes across Syria.
or👇
1/4#SyrianRebels #SyrianArmy #Iran #Syrian #Syria #SyrianArabArmy #Syrian_army #Assad #Russia #Erdogan #بشار_الأسد #دمشق #سوريا https://t.co/uB17TOYePU pic.twitter.com/lPIjPn41CE— War Analysis (@iiamguri9) December 9, 2024
Воената операција на Израел во Сирија дојде два дена откако бунтовничката алијанса брзо го собори претседателот Башар ал Асад и во време кога регионот и светските сили се загрижени за понатамошниот развој на настаните.
Heavy #Israel airstrike underway in #Syria against weapons left behind by #SAA . If the weapon captured by #HTS , HTS will use it against #Israel pic.twitter.com/nZKLt6eAuX
— Zeitung (@Himat75) December 8, 2024
Сириски безбедносни извори изјавија дека израелските војници стигнале до Катана во Сирија, 10 километри источно од демилитаризираната зона што ја дели Голанската висорамнина окупирана од Израел од Сирија.
Израел изјави дека нема да се вклучи во сирискиот конфликт и дека окупацијата на тампон зоната е одбранбен чин.
Египет, Катар и Саудиска Арабија го осудија упадот. Саудиска Арабија рече дека овој потег ќе ги „уништи изгледите на Сирија за враќање на безбедноста“.
Воен мониторинг денеска рече дека Израел извршил 300 напади врз Сирија од падот на претседателот Башар ал Асад, додавајќи дека нападите ги „уништиле најважните воени локации“ во земјата.
Целосно е уништен истражувачки центар на сириското Министерство за одбрана во напади од воздух на израелските сили врз Дамаск, соопшти сирискиот Центар за човекови права.
Сириската опсерваторија за човекови права објави дека „израелски воени авиони извршиле над 100 напади… вклучително и врз научно-истражувачкиот центар „Барзех“.
