Поранешната американска шампионка во пливање, Џејми Кејл е пронајдена мртва во домот кој го делела со своето момче на Американските Девствени Острови и полицијата потврдува дека постои истрага за изненадната смрт.
Според американските медиуми, 42-годишната Кејл била пронајдена од нејзиното момче, чиј идентитет засега останува скриен, кога тој се вратил од локален бар и ја пронашол на подот, по што веднаш повикал полиција и брза помош.
42-годишната Кејл настапуваше за САД на Пан-пацифичкиот шампионат во 1997 освојувајќи злато во штафетните трки, а на СП во 1999 година освои сребро исто така во штафетните трки.
