Денешното утро ни донесе многу поладно време а особено во Охридско – Преспанскиот регион имаше појава на магла или на ниска облачност. Претежно беше тивко и без некој изразен ветер. Најладно утрово беше во Берово каде се измерени -3 степени.
На метеоролошката карта можете да ги видите денешните минимални утрински температури измерени до 7 часот утрово и тоа на мерните станици на УХМР.
И утрешното утро ќе биде значително ладно кога на многу места температурите ќе се спуштат близу па и под нулата особено на повисоките населени и планински места во нашата Македонија. Утре наутро повторно во дел од котлините ќе има услови за појава на магла или на ниска облачност.
