Вечерва избувна пожар на ридот кај Морани, после селото Студеничани, информираат од Дирекцијата за заштита и спасување. Екипи веднаш биле упатени на терен за локализација и гаснење на огнената стихија.
Надлежните истакнуваат дека постојат сомневања дека пожарот е намерно подметнат од страна на дрвокрадци.
Директорот на Дирекцијата за заштита и спасување, Стојанче Ангелов, изјави дека во моментов пожарот е речиси целосно ставен под контрола и се очекува во најскоро време целосно да биде изгаснат.
