Искршена е новата плоча со имињата на осумте припадници на безбедносните сили, кои загинаа во маскарот кај Вејце.
Плочата на 28 април беше поставена од страна на политичката партија Левица.
Цвеќињата и свеќниците се уништени, како што може да се забележи на фотографијата објавена од оваа партија.
„Во 21 век, кога светската цивилизација претендира да се колонизира на Марс, Албанците од Тетово преку вандализам и рушење на сè што е македонско се враќаат во камената доба. Имено, осквернавени се поставените плочи во чест на масакрираните бранители во Вејце од 2001 година, кои ги поставија лидерите на Левицата, Апасиев и Крмов, но и другите присутни. Секоја година сликата е иста, а државниот врв е нем и глув на уринирањето врз историјата и државноста од страна на албанското малцинство, кое дивее врз државата што ги храни и ги удомила. Сите функционери целите кон Европа и Запад, а самите знаете дека со ваков соживот не се оди никаде. Се фотографирате во медиуми и со претставници на европската заедница, а општеството ви е гнило. Вечна им слава на македонските бранители, гробот вечно ќе им се знае бидејќи не можете толку да искршите колку што ние можеме да поставиме“, велат од Левицата.
На 28 април 2001 беа убиени четворица припадници на воената единица „Волци“ и полицајци при ОВР Битола: Роберт Петковски (27) Игор Костески (26) Миле Јаневски (30) Бобан Трајковски (28), Марјан Божиновски (27), Илче Стојановски (24) Бошко Најдовски (25) и Кире Костадиновски (24).
