Поранешниот играч на Реал Мадрид, Иско се наоѓа на чекор до трансфер во Лацио. Иско е слободен играч, откако по само шест месеци спогодбено се раздели со Севилја.
Лацио во новата година влезе со пораз. Екипата на Маурицио Сари загуби во Лече со 2.1, во рамките на 16.коло во Серија А. Лацио се петти на табелата со 30 поени, колку што има и Рома.
Иско треба да биде големо засилување за Лацио и покрај тоа што не се покажа во Севилја, а во последните две сезони во Реал имаше само епизодна улога.
За да се реализира овој трансфер Лацио ќе треба да го продаде Луис Алберто. За Шпанецот интерес покажаа неколку клуба од татковината и се очекува тој да го напушти Рим до крајот на преодниот рок.
