Виктор Исјановски, поранешен директор на ЈЗУ „Здравствен дом – Скопје“, ненадејно почина за време на летниот одмор во Грција дознава 24инфо.
Според информации, тој ноќта ја минал во друштво со Владимир Ристов, познат како Камењар, и поранешниот македонски кошаркарски репрезентативец Пери Антиќ, со кои се забавувал во локална таверна. Утрото, престојот трагично завршил со неговата смрт.
Исјановски е роден во 1978 година во Скопје. Дипломирал на Медицинскиот факултет во 2003 година, а дел од студиите ги реализирал и на Универзитетот во Мајами, Калифорнија. Неговата професионална кариера започнала во Казнено-поправната установа Идризово, а подоцна продолжила во ЈЗУ „Психијатриска болница Скопје“, каде што во 2007 година ја завршил специјализацијата по психијатрија.
Со одличен академски успех, тој се стекнал со звање магистер по медицински науки, а во 2018 година бил избран за раководител во Психијатриската болница. Од 2021 до 2024 година ја извршувал функцијата директор на ЈЗУ „Здравствен дом – Скопје“.
Исјановски зад себе остава сопруга и две деца.
