Кина и Франција имаат способност и одговорност да ги надминат разликите и ограничувањата во време кога светот минува низ длабоки историски промени, изјави кинескиот претседател Шји Џјинпинг.
Кинеско-француските односи задржаа позитивен и стабилен моментум, рече Шји на средбата со францускиот претседател Емануел Макрон во Пекинг.
Кинескиот претседател денеска се сретна со францускиот претседател, кој вчера пристигна во официјална посета на Кина. Според кинеската новинска агенција, двајцата лидери се сретнале во Големата сала на народот, во центарот на Пекинг.
