Кинеските власти денеска соопштија дека ги поддржуваат напорите на Советот за безбедност на Обединетите нации (СБ) за прекин на борбите во Појасот Газа. Пекинг не прецизира дали како постојана членка на СБ со право на вето, ќе ја поддржи денеска американската нацрт-резолуција за итен прекин на огнот, пренесува Франс прес. -Кина го поддржува СБ на ОН да преземе дополнителни одговорни и значајни чекори што е можно поскоро, вложувајќи незапирливи напори за брзо завршување на конфликтот во Газа, изјави Ли Џијан портпаролот на Министерството за надворешни работи во Пекинг. Советот за безбедност на ОН денеска ќе гласа за резолуцијата предложена од САД со која се повикува на „итен и одржлив“ прекин на огнот во Газа, неопходен за заштита на цивилите и испорака на помош за повеќе од два милиони прегладнети Палестинци.
И Кина е за итен прекин на борбите во Газа
