Утрински Весник
Свет

Хорор во Шпанија: бик уби човек на фестивал

Хорор во Шпанија: бик уби човек на фестивал

Човек почина од повредите здобиени кога го удри бик на фестивал во источна Шпанија, соопштија денеска властите.

dobivaj vesti na viber

Шпанецот бил погоден во рамо од бик за време на одржувањето на фестивалот на бикови во градот Побла де Фарналс во регионот Валенсија во саботата, по што бил пренесен во болница, но подоцна починал, соопштија тамошните власти, пишува „Ројтерс“.

Тие изјавија дека истиот бик удрил по нога друг Шпанец и дека тој е во болница во стабилна состојба.

На фестивалот, биковите се пуштаат на улиците, а тркачите се тркаат пред нив, традиционален настан во повеќе од 1.820 шпански општини секоја година, според неодамнешното истражување на групата за заштита на животните AnimaNaturalis.

Ваквите фестивали се популарни, а активистите за правата на животните велат дека се опасни и сурови и се залагаат за нивно укинување во последните години.

Можете да прочитате

Објавена листа на најпосетувани дестинации во светот

Објавен тестаментот на папата Франциск

Путин е отворен за преговори со Украина за ненапаѓање на цивилни цели