Нуклеарното оружје нема да биде распоредено на територијата на Финска по нејзиниот влез во НАТО, изјави денеска министерот за надворешни работи на земјата, Пека Хависто.
„ Финска не постави никакви предуслови кога аплицираше за членство затоа што не сакаше да го стесни опсегот на своите активности. Но, јасно е дека нема да има нуклеарно оружје на финска територија дури и по завршувањето на членството“, рече Хависто, пренесува фински порталот Иле.
Хависто ја потврди визијата на политичкото раководство на земјата дека Финска и Шведска истовремено ќе влезат во НАТО.
„ Финска и Шведска формираат единствена одбранбена стратешка структура. Истовременото објавување на пристапот на Финска и Шведска во НАТО не е само гест на пристојност, туку прашање на зајакнување на одбранбените способности на двете земји“, рече Хависто.
