Војводата и војвотката од Сасекс наводно бараат извинување од кралското семејство.
Двојката – која се повлече од кралските должности во 2020 година и се пресели во Лос Анџелес во потрага по приватен живот – го обвини семејството за расизам.
И, откако поранешната дворска дама Сузан Хаси даде неприфатливи коментари за шеф на добротворна организација, Афроамериканец, а потоа се извини, анонимен извор тврди дека ништо такво не е направено за Хари и Меган и дека тие сакаат средба со семејството.
Извор близок до војводата и војвотката од Сасекс изјави за „Сандеј тајмс“: „Никогаш не беше направено такво нешто кога Хари и Меган искажуваа загриженост – немаше состанок, немаше формално извинување или преземање одговорност. Тоа е тешко да се проголта – 100 проценти ‘да’. Тие би сакале да има средба“.
