Фенербахче ремизираше 2:2 со Гецтепе во второто коло од турскиот шампионат. Многу инциденти беа забележани за време и по натпреварот.
Фенер водеше со 2:0, но победата во Измир ја испушти во 93.минута. Сепак, за жал, настаните на теренот повторно останаа во сенка на навивачкото лудило.
Голем број на гостински навивачи не успеале да влезат на стадионот иако имаа валидни билети, па претседателот на Фенербахче Али Коч на полувремето се упатил на трибината каде што беа сместени навивалите на Фенер за да разговара со нив.
Кога Коч ја напуштил трибината и се упатил кон своето место, кон него започнаа да летаат разни предмети, а ситуацијата дополнително се влошила кога бил физички нападнат од непознато лице со акредитација на Гецтепе. Коч со крвава глава го напушти теренот.
Навивачите на Фенер кои не успеале да влезат на стадионот, направија хаос пред стадионот откако заврши натпреварот.
Фенер најави тужба против непознато лице со акредитација кое со тупаници го удри Коч и потоа непречено го напушти стадионот.
