Вооруженото исламистичко движење Хамас утринава соопшти дека погубило пет Палестинци, од кои двајца поради соработка со Израел.
„Утринава беше извршена смртна казна за две лица осудени за соработка со окупаторските сили (Израел) и уште три за криминални дејствија“, се вели во соопштението на Хамас.
Се додава дека осудените „претходно се стекнале со целосно право да се бранат“ пред локалните судови, пишуваат светските агенции.
Движењето Хамас е на власт во Појасот Газа.
