Одличниот дефанзивец на Наполи, Ким Мин-Јае, по неверојатната сезона во Серија А е цел на најголемите европски клубови. Манчестер Јунајтед и Баерн Минхен веќе подолг период го убедуваат дека нивниот проект е најдобар за Кореецот, но сега во играта се вклучува и европскиот шампион Манчестер Сити.
Пеп Гвардиола сака да го има Кореецот во својот тим за следната сезона, со оглед дека сѐ уште има неизвесност околу доаѓањето на Јошко Гвардиол од Лајпциг.
Германските медиуми пишуваат дека Баерн Минхен договорил речиси сѐ со Ким Мин-Јае и дека го чека 1 јули, кога според договорот со Наполи ќе може да биде активирана отштетната клаузула. Но, сега конкуренцијата е значително посилна со Манчестер Сити.
