Менаџерот на Манчестер Сити, Пеп Гвардиола, не ја криеше својата гордост откако „Златната топка“ за најдобар играч во светот за 2024 година му беше доделена на неговиот играч од средниот ред, Родри. Ова признание доаѓа по извонредната сезона на шпанскиот репрезентативец, кој успеа да освои титулата европски првак со репрезентацијата на Шпанија и да го одбрани трофејот во Премиер лигата со Манчестер Сити.
„Што можам да кажам? Честитки до Родри, неговото семејство и сите нас. Ова е неверојатна вест за него и за Манчестер Сити, ние сме горди што ја делиме оваа радост со него“, изјави Гвардиола. Според него, ова признание е историско за Сити, бидејќи клубот никогаш претходно не замислувал дека негов играч ќе ја освои оваа престижна награда.
Гвардиола се осврна и на одлуката на Реал Мадрид да не испрати свои претставници на церемонијата во Париз: „Тоа е нивна одлука и ние не сме тука да судиме за изборите на другите клубови“.
Иако многумина до последен момент шпекулираа дека напаѓачот на Реал, Винисиус Жуниор, ќе ја освои наградата, тој заврши на втората позиција. „Можеби Винисиус требаше да победи, но тоа е одлука на жирито, кое го претставува цел свет, а не само една земја,“ додаде Гвардиола.
Со оваа чест, Родри го става Манчестер Сити на светската фудбалска мапа, а клубот и навивачите се надеваат на уште посилна сезона во иднина.
