Гувернерот на Харковската област Олег Синегубов изјави дека 99 отсто од телата, кои биле ексхумирани од масовната гробница во Изjум, покажуваат знаци на насилна смрт.
Синегубов на Телеграм изјавил дека меѓу погребаните има и деца, пренесува „Гардијан“.
Тој рече дека биле пронајдени неколку тела со врзани раце зад грб и едно лице со „јамка околу вратот“.
„ Очигледно е дека овие луѓе биле мачени и егзекутирани“ – рече Синегубов.
Тој нагласи дека секоја смрт ќе биде истражена и дека тоа ќе биде „доказ за воените злосторства на Русија пред меѓународните судови“.
„ Ова е крвав, брутален терор“ оцени Синегубов.
Украинската полиција соопшти дека повеќе од 440 тела се пронајдени во масовна гробница во североисточниот град Изјум, кој Украина го врати под своја контрола, како и дека некои жртви биле убиени во гранатирање и воздушни напади.