Генералниот секретар на Обединетите нации, Антонио Гутереш, денеска изјави дека одговорноста за продолжување на разговорите што ќе резултираат со откажување од Пјонгјанг од својата програма за нуклеарно оружје е на Северна Кореја.
„КДРК има обврска да ги почитува своите меѓународни обврски и да се врати на преговарачка маса“, рече Гутереш.
Мисијата на Северна Кореја во Обединетите нации во Њујорк не одговори веднаш на барањето на Ројтерс за коментар на изјавата на Гутереш.
Во ноември минатата година, севернокорејскиот министер за надворешни работи го обвини Гутереш дека застанал на страната на Соединетите Држави и дека не одржува непристрасност и објективност.
Кина минатата година соопшти дека клучот за решавање на севернокорејската балистичка ракетна и нуклеарна програма е во рацете на САД, повикувајќи го Вашингтон да покаже „повеќе искреност и флексибилност“ доколку сака да постигне напредок во разговорите.
Во 2006 година, ОН воведоа санкции против Северна Кореја поради нејзината нуклеарна и балистичка ракетна програма.
Таканаречените шестстрани преговори за денуклеаризација меѓу Северна Кореја, Јужна Кореја, Кина, САД, Русија и Јапонија беа прекинати во 2009 година, пренесува Танјуг.
