Грчката крајбрежна стража објави дека спасувачките служби извлекле тела на 20 мигранти од морето. Тие се удавиЛе откако нивниот чамец се превртел додека се обидувале да преминат од Турција во Грција.
Според информациите, бродот потонал вчера поради силните ветрови, а операцијата за пребарување и спасување се уште е во тек во близина на грчкиот остров Евија, пренесува „Ројтерс“.
Спасени се 12 луѓе, но преживеаните им рекле на властите дека на чамецот имало дури 68 луѓе.
Бројот на баратели на азил кои се обидуваат да стигнат до Европа од Турција, главно од земјите зафатени од војна или сиромашни на Блискиот Исток и Африка, е намален по миграциската криза во Европа во 2015 година, наведува британската агенција.
Сепак, грчките власти велат дека забележале зголемување на обидите за влез преку нејзините копнени и поморски граници со Турција.
