Градоначалничката на Општина Македонска Каменица, Соња Стаменкова, преку Фејсбук информира дека во последните денови се забележани нови случаи на вандализам на територијата на општината. На терен е констатирано оштетување на урбаната опрема во Паркот на рударите и значителна штета на градскиот јавен тоалет кај автобуската станица, каде е уништена влезната врата и дел од внатрешниот инвентар.
-Овие чинови се недозволиви и нанесуваат штета која сите ја плаќаме. Апелираме до надлежните институции случаите да бидат расчистени, сторителите пронајдени и санкционирани согласно законот. Јавниот имот е заедничка одговорност и мораме да го чуваме, истакна Стаменкова.
Општината повикува граѓаните активно да пријавуваат вакви појави за зачувување на јавните површини и обезбедување сигурна и уредена средина за сите жители.
