На Грајмс и Илон Маск не им било дозволено да ѝ дадат необично име на својата ќерка, ‘?’, односно името требало да биде само интерпункциски знак.
Двојката ѝ посака добредојде на Екса Дарк Сидерал (Exa Dark Sideræl Musk) преку сурогат во декември 2021 година, а 35-годишната пејачка откри дека сега морале да му го сменат името на детето во Y или Why бидејќи не им било дозволено да го користат знакот прашалник.
По споделувањето фотографии од себе и својата ќерка во соодветни црвени комбинации, Грајмс одговори на коментарот на еден од фановите и твитна: „Таа сега е Y или Why или само ‘?’ (Но, владата тоа нема да го признае). Љубопитност, вечно прашање и слично“.
Пејачката на „Џенесис“ – која исто така има и двегодишен син X Æ A-Xii со Илон – претходно го објасни уникатното име на ќерката објаснувајќи дека Exa се однесува на терминот за суперкомпјутер, exaFLOPS, а Dark Universe го претставува непознатото.
Во интервју за списанието „Венити феар“ таа вели: „Луѓето се плашат од тоа, но навистина тоа е отсуството на фотони. Темната материја е прекрасната мистерија на нашиот универзум“.
