Целата општина Аеродром и делови од Ново Лисиче вечерва останаа без електрична енергија. Жителите пријавуваат дека струја нема веќе повеќе од еден час.
Ситуацијата дополнително ја влошува голем пожар кој избувна во Ново Лисиче. Засега не е познато што точно гори и како избувнал огнот. На терен се испратени противпожарни екипи кои работат на негово локализирање.
Од ЕВН за 24инфо соопштија дека прекинот е поради дефект на 110кВ трафостаница „Аеродром“:
„Поради дефект на 110кВ трафостаница ‘Аеродром’ моментално поголем дел од корисниците од Аеродром и Ново Лисиче, како и дел од корисниците од централното градско подрачје, се соочуваат со прекин во снабдувањето со електрична енергија. Екипите на Електродистрибуција веднаш се упатија на лице место со цел санација на дефектот.“
Жителите остануваат загрижени поради истовремените проблеми – прекин на струјата и активниот пожар – и очекуваат брза интервенција на сите надлежни институции.
