Силното невреме проследено со ветер и краток дожд кое ја зафати Битола предизвика пожар во населбата Буковски ливади. Во 15:55 часот во ТППЕ Битола била примена дојава за запалена трева и два објекти, по што на терен веднаш излегле четири противпожарни возила со 14 пожарникари, објави 4NEWS.mk
Пожарот, кој поради силниот ветер брзо се ширел и излегол од контрола, е локализиран и ставен под целосна контрола. Благодарение на брзата реакција на екипите, спречено е огнот да ги зафати и другите објекти во населбата. Од Противпожарната единица упатија голема благодарност до жителите на Буковски ливади и останатите граѓани кои помогнале при гаснењето на пожарот.
