Манчестер Сити ја освои Лигата на шампионите и колегите на Енцо Мареска, кој е асистент во стручниот штаб на Пеп Гвардиола, лудуваа цела ноќ. Но, не и тој. Набрзо откако стивна малку славењето во соблекувалната, на Мареска му соопштија дека неговиот татко исчезнал во Истанбул.
Тој и најблиските пријатели се впуштија во потрага, а се вклучила и турската полиција.
Италијанските медиуми откриваат дека Пасквале, таткото на Енцо Мареска, е пронајден утрово во добра состојба. Сѐ уште не е јасно каде ја минал вечерта и дали можеби малку и не претерал со алкохол откако неговиот син со Манчестер Сити го освои европскиот клупски трофеј.
