Валери Герасимов, началникот на Генералштабот на руската армија, се чини дека ги игнорирал предупредувањата на разузнавачките служби дека украинските трупи се собираат во близина на границата со Курската област, објави Блумберг, цитирајќи извор близок до Кремљ.
Герасимов наводно бил информиран за Украинците пред две недели. Извори од Кремљ тврдат дека Путин е бесен поради ова.
По упадот, Герасимов преку видео-врска ги уверуваше членовите на рускиот Совет за безбедност дека напредувањето на украинските војници кои навлегоа длабоко во регионот Курск е запрено. Според Герасимов, „непријателските загуби“ изнесуваат 315 лица, уништени 54 оклопни возила, вклучително и седум тенкови.
Додека Герасимов зборуваше за украинските загуби, камерата го сними лицето на Путин.
