Ко-сопственикот на Челси, Џонатан Голдстајн, ја објасни одлуката на клубот да го отпушти менаџерот Томас Тухел и да го замени со Грем Потер. Отказот за Германецот по само неколку натпревари во сезоната беше големо изненадување, и покрај неубедливиот настап на тимот.
На „Стемфорд Бриџ“, сепак, веруваат дека донеле вистинска одлука.
„Тоа беше заедничка одлука и ја донесовме мислејќи дека долгорочно ќе биде во најдобар интерес за клубот. На крајот целта е да се обезбеди потребната хармонија меѓу раководството на тимот и сопствениците. Во тоа време сметавме дека токму тоа недостасува“, призна Голдстајн.
„Воодушевени сме што Грем Потер го презеде тимот“, дополни тој.
