Групата богати нации Г7 вети 32 милијарди долари помош за Украина следната година, соопштија нивните министри за финансии во заедничката изјава, додавајќи дека се подготвени да дадат повеќе, доколку е потребно.
„Остануваме силно посветени на итните краткорочни финансиски потреби на Украина“, рекоа министрите, охрабрувајќи ги другите донатори да го зголемат својот придонес за земјата разурната од војна.
Залогот од 32 милијарди долари од земјите на Г7 вклучува 19 милијарди долари од Европската унија, се наведува во соопштението за медиумите.
Оваа сума или е делумно платена или се плаќа на Украина, се вели во соопштението за печатот на министрите на САД, Канада, Јапонија, Германија, Франција, Италија и Велика Британија.
