Повеќе од 50.000 навивачи ги пречекаа француските фудбалери на плоштадот Конкорд во Париз.
На плоштадот Конкорд владееше одлична атмосфера, кога на балконот на хотелот Кријон се појавија играчите и тренерот Дизие Дешамп.
Репрезентацијата ја поздрави публиката веејќи француски знамиња. Француската репрезентација два часа порано пристигна во Париз од Доха.
50,000 people came to the Place de la Concorde tonight in Paris to congratulate the French national team on their efforts at the 2022 World Cup. (BFMTV) pic.twitter.com/m421oEsmca
— Get French Football News (@GFFN) December 19, 2022
Капитенот на Франција Уго Лорис беше воодушевен од поддршката на навивачите и покрај поразот во финалето.
„Ова е можност да ги поздравиме навивачите и да им се заблагодариме за поддршката и покрај поразот во финалето. По болката што ја доживеавме, дојдовме да бараме утеха од нив“, изјави Лорис за француската телевизија TF1 и додаде:
„И покрај околностите и многу работи што се случија пред и за време на турнирот, ние останавме обединети и ја покажавме силата на оваа група. Мислам дека Французите се препознаа преку овие вредности. Мораме да продолжиме да работиме и да го дочекаме следното Европско првенство во најдобра можна форма“, заклучи Лорис.
This support – Les Bleus’ 2022 World Cup group captured the hearts of a nation, despite falling short at the final hurdle. pic.twitter.com/B3PX3qYfww
— Get French Football News (@GFFN) December 19, 2022
