Рандал Коло Муани можеше да стане францускиот херој во финалето на Светското првенство во Катар. Играчот на Ајнтрахт, во последните моменти од второто продолжение, имаше ситуација „еден на еден“ со голманот на Аргентине. Мартинез му го одбрани ударот, а таа одбрана подоцна новинарите ја нарекоа „одбрана на векот“.
Драматичното финале по две продолженија заврши со резултат 3:3, по изведувањето пенали титулата ја освои Аргентина.
Коло Муани не крие дека постојано го врти во главата моментот кога излегол сам пред голманот Мартинез.
„Тоа можеше да ми го промени животот. Посакувам да можев да го оставам тој момент зад мене, но постојано се враќам на него, гледајќи ја акцијата и гледајќи дека имав шанса да постигнам гол. Но, сè се случи толку брзо“, рече тој и продолжи.
„Можев да изберам друго решение, да го барам Килијан Мбапе бидејќи беше во добра позиција, но не го видов во тој момент. Топката дојде брзо, бев фокусиран на голот и не го видов. Сега е предоцна“.
“Морам да продолжам, тоа е дел од мојата работа. Не е дека сум тажен, едноставно никогаш нема да го заборавам тој момент. Бевме блиску до титулата. Нема да лажам, го мразам Мартинез”, заклучи тој.
