Вечерва во Струмица, во дел од централното градско подрачје и на плоштадот „Гоце Делчев”, се одржа големиот Струмички карневал, како главен настан од овогодишните карневалски свечености во градот.
![](https://utrinskivesnik.mk/wp-content/uploads/2024/03/432407886_812506654234007_6533604088950317226_n-1024x683.jpg)
Во интернационалната карневалска поворка учествуваа околу 1500 маскирани луѓе во 49 маски од Хрватска, Србија, Босна и Херцеговина, Црна Гора, Турција, Грција, Бугарија и Македонија.
![](https://utrinskivesnik.mk/wp-content/uploads/2024/03/432418864_812506694234003_8780500883506951130_n-1024x683.jpg)
Покрај илјадниците граѓани кои го следеа карневалот, на истиот присуствуваа и гости од македонската Влада и Собранието, претставници од дипломатскиот кор, претставници од Федерацијата на европските карневалски градови (FECC) од повеќе европски земји, како и гости од други македонски Општини.
![](https://utrinskivesnik.mk/wp-content/uploads/2024/03/433527693_812506590900680_2477752498275257936_n-1024x683.jpg)
Пред официјалниот почеток на карневалот, свое обраќање пред присутните имаа: претседателот на Бордот на директори на FECC Ларс Алгел и градоначалникот Костадин Костадинов, а во чест на јубилејот – 30 години од членството на Струмица и Струмичкиот карневал во FECC, господонот Алгел му врачи на струмичкиот градоначалник медал од федерацијата.
![](https://utrinskivesnik.mk/wp-content/uploads/2024/03/432416842_812506547567351_3009301778861686672_n-1024x683.jpg)
![](https://utrinskivesnik.mk/wp-content/uploads/2024/03/433720539_812506604234012_5021891422435096984_n-1024x683.jpg)