Во својот зенит, предизборната кампања донесе чудни предизборни кореографии на митинзите и средбите со граѓаните.
Она што до последните избори беше стандард на митинзите на ВМРО-ДПМНЕ односно носење и веење на знамиња со сонцето од Вергина (кои често беа и побројни од државните знамиња) на овие избори речиси и да го нема.
Нофицијално, по социјалните мрежи се тврди дека на активистите и членовите на ВМРО-ДПМНЕ им било во најмала рака наложено (некои тврдат дури и забрането) да веат знамиња со сонцетот од Вергина, но и да не скандидаат „Никогаш Северна – Само Македонија)
Но, предизборниот декор со знамиња со сонцето од Вергина може да се забележи кај друг, би се рекло помалку неочекуван политички субјект, а тоа е ЗНАМ на екс сдомвскиот функционер Максим Димитриевски.
Тоа можеше да се забележи на настаните на ЗНАМ во Охрид и Струга, но и на други митинзи и средби.
Ова ги засили коментарите на објавите на социјалните во кои граѓаните пишуваат дека со ова е разоктриена идеолошката матрица на ЗНАМ која се разликува од онаа што ја декларира лидерот на оваа партија и дека таа само „помага ВМРО да дојде на власт како во 2006 кога од СДСМ се издвои НСДП“.
