Жителите на скопската општина Аеродром утрово се разбудија во облаци чад и неподнослива мирисба што се шири низ населбата. Најверојатна причина е вчерашниот голем пожар што избувна на депонијата Вардариште, кој, според граѓаните, и денеска продолжува да чади и да испушта густ дим.
Од раните утрински часови, воздухот во овој дел на градот е загаден и тешко издржлив, а граѓаните се жалат дека мирисот е присутен и во нивните домови. Ситуацијата повторно го отвори прашањето за сериозните последици од постоењето на дивата депонија Вардариште, која со години претставува еколошка бомба во срцето на Скопје.
Граѓаните бараат надлежните институции итно да реагираат и да го решат проблемот кој сериозно го загрозува нивното здравје и квалитетот на животот.
