Финска открила мала количина на радиоактивни изотопи во воздухот на југоисточниот дел на земјата, но нема ризик за луѓето и таквите откритија се нормални, објавила тамошната агенција за нуклеарен мониторинг, пренесуваат медиумите во регионот.
„Откриената радиоактивност нема никакво влијание врз животната средина или здравјето на луѓето бидејќи концентрациите се многу ниски“, објави агенцијата „СТУК“. Финска, Шведска, Русија и поширокиот регион имаат бројни нуклеарни реактори.
„Помали количини циркониум и ниобиум можат да побегнат во воздухот, на пример од горивото на нуклеарната централа за време на одржувањето“, додале од „СТУК“.
„За време на собирањето примероци, воздушните струи се движеа од исток и југоисток, но изворот на зрачењето е непознат“, велат од таму.
„СТУК“ како што соопштиле, не планира дополнително да го истражува ова откритие бидејќи е сосема нормално.
