Производството на електрична енергија во периодот јануари–октомври оваа година е преполовено, само 2.450 GWh, што е помалку од 50% од она што самата влада го испланирала, рече претседателот на СДСМ, Венко Филипче на денешната прес конференција обвинувајќи ја власта дека поради лошите полити загрозен е енергетскиот систем, се трошат многу пари за увоз на скапа стуја за ќе следи неминовно поскапување на струјата.
„Оваа власт, како ниедна власт во историјата на државата, го спушти производството на струја на историски најниско ниво. Според енергетскиот план на ЕСМ којшто го донела оваа влада за 2025 година било во план да се произведат 5.100 гигават часови електрична енергија. Според извештаите на МЕПСО и МЕМО, од јануари до октомври се произведени само 2.450 гигават часови, односно за неполни два месеци од крајот на годината ниту 50% од тоа што самата влада, тие луѓе коишто седат во влагата, владата, тие експерти во ЕСМ, самите го испланирале. Меѓутоа струја е потребна и што се случило? Купена е струја за многу повисоки цени отколку што би било ЕСМ да ја произведува. Ако производството на еден мегават час изнесува околу 80, 85, 90 евра, владата купува струја за 140 евра мегават час. Потрошени се 62 милиони евра за да оваа струја се надокнади тука за потребите на граѓаните” рече Филипче.
Претседателот Филипче додаде дека овој пад е резултат на хаотично менаџирање во ЕСМ, нефункционалност, неспособност и политички притисоци врз професионалците.
„Ова е енергетски колапс, не пад. Колапс кој власта самата си го создаде со неработење, со импровизации и неспособност”, рече претседателот на СДСМ, Венко Филипче.
