Претседателот на СДСМ, Венко Филипче, на граѓанската трибина во Берово, вечерва истакна дека СДСМ покажа како се работи и каква треба да е вистинска грижа за граѓаните. За 4 години рече Филипче во Берово има над 100 инфраструктурни проекти по што рече дека развојот на Берово е возможен само со кандидатот за градоначалник Илија Рунтевски и советничката листа.
„Вие добро го познавате Илија, човек кој е секојдневно меѓу вас, кој ги познава состојбите во Берово и има идеи како да продолжи развојот на Берово. Туризмот и екологијата и понатаму ќе останат главни гранки за развојот, а секоја наредна инвестиција ќе биде насочена кон тоа, да се создадат уште подобри услови за граѓаните и за сите посетители на Малешевијата.
Програмата на Илија содржи и проекти во образованието, реконструкција на фудбалски терени, на канализациона мрежа, субвенции за престој на деца во градинка, финансиска поддршка за самохраните родители и за пензионерите, промена на ДУП и ГУП со зона за мало стопанство за поволни можности за нови инвеститори и уште многу други проекти. Покажавме дека кога сме обединети, сите заедно, Берово расте и напредува“, рече Филипче.
Притоа ги повикувам беровчани да гласаат за бројот 5 и го задржат континуитетот на напредок на туристичкиот бисер во Малешевијата, Берово.
